Ақтөбеге шұғыл қонған Nordwind ұшағында жолаушы көз жұмды

27 мамыр күні Nordwind Airlines әуе компаниясының Екатеринбург–Сочи бағытындағы рейсі шұғыл түрде Ақтөбе әуежайына қонды, деп хабарлайды Todayinfo. Ұшу барысында борттағы жолаушылардың бірі өзін жайсыз сезініп, кейін қайтыс болғаны анықталды. Қайтыс болған азаматтың кім екені әзірге нақтыланбады. Жедел жәрдем қызметі әуежайға шақырылғанымен, өкінішке қарай, медициналық көмек көрсету мүмкін болмады. Қазіргі уақытта ұшақ Ақтөбе халықаралық әуежайында тұр. Рейстің қайта ұшатын уақыты белгісіз. Жолаушылар әуе кемесінде күтіп отыр. Оқиғаның мән-жайын тиісті органдар анықтап жатыр.