Астанада автобус паркінің 7 лауазым иесі жауапкершілікке тартылды

Астанада «Автобус» алдын алу іс-шарасы кезінде 667 автобустың қызметі тексерілді, деп хабарлады қалалық полиция департаменті. Тексерудің нәтижесі бойынша автобус парктерінің 7 лауазым иесі әкімшілік жауапкершілікке тартылды. Сонымен бірге 127 әкімшілік бұзушылық анықталды. Жолаушыларды тасымалдау ережелерін бұзғаны үшін екі жүргізуші әкімшілік жауапкершілікке тартылса, 8 адамның автобусты рұқсатсыз қайта жабдықтағаны анықталды. Сондай-ақ 33 адамның телефонға қарап, қоғамдық көлікті жүргізгені белгілі болды. 32 жүргізуші маневр жасау ережелерін бұзған. Бұған қоса күндізгі уақытта полицейлер «Шевроле Кобальт» маркалы такси жүргізушісін тоқтатып, оған қатысты ҚР ӘҚБтК-нің 591-бабы бойынша хаттама толтырған.