«Бәйтерек» холдингі Қытай банкінен 400 млн юань қарыз алды

Фото: Shutterstock «Бәйтерек» ұлттық басқарушы холдингі алғаш рет Қытайдың Сауда-өнеркәсіп банкінен (ICBC) юаньмен қарыз алды. Холдинг басшысы Рустам Қарағойшин бұл туралы Үкіметте өткен брифингте мәлімдеді, деп хабарлайды Todayinfo. Қарыз қандай мақсатта алынған? Қарыз көлемі – 400 миллион юань. Басқарма төрағасының айтуынша, бұл қаржы инвестициялық жобаларға тиімді шарттармен бөлініп, 7-8% мөлшерлемемен, 10-15 жыл мерзімге беріледі. «Бұл өте маңызды оқиға және бұл тек басы ғана. Алынған қаражат өсімдік шаруашылығына бағытталды», – деді Қарағойшин. «Бәйтерек» холдингі туралы маңызды ақпарат «Бәйтерек» ҰБХ» АҚ – Қазақстан Үкіметіне қарасты ірі қаржы ұйымы. Оның жалғыз акционері – ҚР Үкіметі.