Оқу-ағарту министрлігі баланы балабақшаға тіркеу үшін қажет құжаттар тізімін жариялады. Ведомствоның мәліметінше, балаларды мектепке дейінгі ұйымдарға жыл бойы қабылдайды. Кезекке тұру үшін ата-аналар eGov.kz порталы арқылы өтініш бере алады.
Қажетті құжаттар тізімі:
-
Жолдама (балаға нақты балабақшадан орын бөлінгенін растайтын құжат);
-
Ата-ананың немесе заңды өкілдің өтініші;
-
Ата-ананың немесе заңды өкілдің жеке куәлігі (түпнұсқа және көшірмесі);
-
Бала туу туралы куәлігі (түпнұсқа және көшірмесі);
-
Екпе картасы – № 065/е форма;
-
Бала денсаулығының паспорты – № 052-2/у форма;
-
Медициналық анықтама – № 027/у форма (бала тіркелген емханадан);
-
ПМПК қорытындысы – егер балада ерекше білім беру қажеттілігі болса.
Қай жас аралығындағы балалар қабылданады?
Мемлекеттік балабақшаларға 1 жастан 5 жасқа дейінгі балалар қабылданады. Ал ағымдағы жылы 6 жасқа толатын балалар балабақшаға қабылданбайды – олар 1 тамызға дейін балабақшадан шығарылып, 1-сыныпқа қабылданады.
Тек ПМПК қорытындысы бар балалар ғана мектепке баруды кейінге шегере алады.
Жас ерекшелігіне қарай топтарға бөлу:
-
1 жасқа толатындар – ерте жастағы топқа;
-
2 жасқа толатындар – кіші топқа;
-
3 жасқа толатындар – ортаңғы топқа;
-
4 жасқа толатындар – ересек топқа;
-
5 жасқа толатындар – мектепалды (дайындық) тобына.
Еске сала кетейік, бұған дейін ваучерлік қаржыландыру жобасы аясында 2025/2026 оқу жылына баланы балабақшаға қалай тіркеуге болатыны туралы жазған болатынбыз.
*ПМПК – психологиялық-медициналық-педагогикалық кеңес.
