Бангладеште алғашқы атом электр станциясы «Руппур» іске қосылды, деп хабарлайды Todayinfo ақпарат агенттігі.
«Росатом» баспасөз қызметінің мәліметінше, бірінші энергоблокқа жаңа ядролық отын жүктеу басталды. Реактордың активті аймағына 163 жылу бөлетін жинақ салынады. Бұл кезең станцияны пайдалануға дайындаудың негізгі кезеңі болып табылады және барлық технологиялық процедуралар мен қауіпсіздік стандарттарын қатаң сақтауды талап етеді.
Жүктеу аяқталғаннан кейін реактор минималды бақыланатын қуат деңгейіне шығарылады. Содан кейін қондырғының қуатын біртіндеп және кезең-кезеңмен арттыру басталады. Келесі маңызды кезең – станцияның энергетикалық іске қосылуы, өндірілген электр энергиясы Бангладештің ұлттық энергия жүйесіне беріле бастайды. Бұл елдегі бірінші атом энергоблогының коммерциялық пайдалануға берілуінің нақты басталуы болады.
«Росатомның» бас директоры Алексей Лихачев станцияның іске қосылуы Бангладеш үшін ғана емес, стратегиялық маңызға ие екенін атап өтті. Оның айтуынша, ел бейбіт атомды тұрақты дамудың сенімді көзі ретінде пайдаланатын мемлекеттер клубына қосылды.
«Мирное использование атомной энергии будет играть ключевую роль в обеспечении национальной энергетической безопасности, ускорении индустриализации и содействии развитию экономики, основанной на технологиях», — деді Бангладештің ғылым және технологиялар министрі Факир Махбуб Анам.
