«Берденов әр жиналыс сайын Антикорды жіберемін қорқытатын»: Атышулы сотта куәгер тың мәліметтер айтылды

Шымкентте қала әкімінің орынбасары Руслан Берденовке жасалған қастандық ісі бойынша сотта оның үстінен тағы да дау тудыратын мәліметтер айтылды, деп хабарлайды todayinfo.kz Сотта куәлік берген қала әкімінің көмекшісі Талап Рахымбердиевтің айтуынша, Берденов әр жиынды басқарма басшыларын тексеріспен қорқытып бастайтын.

«Берденов басқарма басшыларын жиған сайын, “Антикор мен экономикалық тергеу қызметін барлық жерге жіберемін” деп ескертетін», – деді куәгер.

Сондай-ақ, сотта «Тұрғын үй Шымкент» ЖШС-нің экс-директоры Ернар Жиембай мен Берденов арасында келіспеушілік болды ма деген сұраққа куәгер қысқа ғана «жоқ» деп жауап қатты. Оның сөзінше, Жиембаймен тек бір рет телефон арқылы сөйлескен. Оқиға болған күні басқарма басшысының орынбасары Ердәулет Әжібаев Жиембайдың өз еркімен жұмыстан кететінін хабарлап, бұл туралы нақтылау үшін Ернарға қоңырау шалуды тапсырған. Айта кетейік, 6 тамызда Берденовке қастандық жасалды деген айыппен Ернар Жиембайға қатысты сот процесі басталған еді. Фото: qaz365.kz