ChatGPT-тің студенттердің оқу үлгеріміне оң әсер ететінін мәлімдеген ықпалды ғылыми жұмыс жарияланғаннан бір жыл өтпей жатып, кері қайтарылды, деп хабарлайды Todayinfo ақпарат агенттігі.
Беделді Springer Nature баспасы бұл шешімді талдаудағы «сәйкессіздіктерге» және қорытындыларға сенімсіздікке байланысты қабылдады. Алайда, осы уақытқа дейін мақалаға жүздеген рет сілтеме жасалып, әлеуметтік желіде кеңінен тарап үлгерген.
Бұл зерттеу 51 басқа жұмыстың мета-анализіне негізделген еді. Бірақ сарапшылар оны басынан-ақ сынға алған. Олардың айтуынша, авторлар сапасы төмен немесе әдістемесі мүлде сәйкес келмейтін зерттеулерді біріктіріп, қате қорытынды шығарған.
ChatGPT шыққаннан кейін қысқа уақыт ішінде соншама сапалы зерттеу жүргізіліп, жариялануы мүмкін емес еді.
Ең қауіптісі — зерттеудің өзі емес, оның салдары. Әлеуметтік желіде мақаланың тек «ChatGPT білімге пайдалы» деген тақырыбы ғана тарап, оның әдістемелік кемшіліктері ескерілмеді. Нәтижесінде, бұл қате тұжырым көптеген басқа ғылыми жұмыстарға негіз болып, жалған ақпараттың таралуына ықпал етті.
