Нидерландтан келген шетелдік туристер әлемді автодоммен аралап жүріп, Павлодар облысы Баянауыл ауданындағы Кемпіртас жартасының маңында сортаңды батпаққа батып қалды, деп хабарлайды Todayinfo ақпарат агенттігі.
Олар өз бетімен шыға алмаған соң, құтқарушылар мен жергілікті тұрғындар дереу көмекке келді. Тәжірибе мен үйлесімді әрекеттердің арқасында автодом тұзақтан босатылды. Саяхатшылар сапарларын жалғастырып, қазақ даласын ұмытпайтыны анық.
