Қазақстанда электромобильдер үшін жаңа, ерекше түсті мемлекеттік нөмірлер енгізу бастамасы қолдау тапты, деп хабарлайды Todayinfo ақпарат агенттігі.
Бұл туралы Мәжіліс отырысында Ішкі істер министрінің орынбасары Санжар Әділов мәлімдеді. Ол аталған мәселенің өте өзекті екенін атап өтті.
«Ішкі істер министрлігі бұл бастаманы толығымен қолдайды. Электромобильдерге арналған мемлекеттік нөмірдің түсін өзгерту – әлемде кеңінен қолданылатын тәжірибе, әдетте олар жасыл түске боялады. Бұл мәселе жан-жақты пысықталды», – деді Әділов.
Оның айтуынша, заң қабылданғаннан кейін тиісті нормативтік актілер әзірленіп, бекітіледі. Содан кейін жаңа нөмірлер ел бойынша енгізіледі.
