Енді елімізде «жылу» жинаған әрбір азаматтың есепшоты тексеріледі

Фото: istockphoto.com Бірінші рет ескерту берілсе, кейін уәжі дәлелденбегендерге қылмыстық іс қозғалады. Енді елімізде «жылуға» деп жиналған ақшаның есебі болады. Қаржы министрлігі әлеуметтік желіде қырық сылтаумен қайырымдылық мақсатында деп алып, ақша жинауға төселіп алған блогерлердің ізіне түспек, деп хабарлайды Тodayinfo ақпараттық порталы. Әңгіме мобильді 100 аударым жайында. Мұқтаж жанға шын жаны ашып көмек бергісі келетін кез келген адам енді тек қор ретінде тіркелген жағдайда ғана Қаржы мониторингі агенттігінің назарына ілікпейді. Ал елдегі түрлі оқиғаларды «дөңгелетіп», керек кезде ғана төбе көрсететіндермен әңгіме басқаша болады. Әуелі Кірістер комитеті екінші деңгейлі банктердің қаржы операциясы жайындағы есебіне назар аударады. Сөйтіп жеке тұлғаның есепшотына үш ай бойы қатарынан әр түрлі тұлғадан 100 аударымнан көп ақша түскен жағдайда, шот иесін сұрақтың астына алынады. Бірінші рет ескерту берілсе, кейін уәжі дәлелденбегендерге қылмыстық іс қозғалады. «Егер жеке тұлға болса, онда оған бірнеше төлем түсетін болса, тек қана кәсіпкерлік жағынан емес қой, бұдан басқа тексеру шарасы көзделген.

«Мысалы, бұл қаражат терроризмге бағыттала ма, Қаржы мониторингі агенттігі бар, барлық екінші деңгейлі банкпен тікелей жұмыс істеп, мағлұматты шұғыл түрде алады да, тексереді. Сондықтан да қылмыстық іс қозғаған осы орган мониторинг жүргізеді», — дейді қаржы вице-министрі Ержан Біржанов.

Ақпарат көзі: Skifnews.kz