Фото: https://www.dw.com/ Францияның сыртқы істер министрі Жан-Ноэль Барро LCI телеарнасына берген сұхбатында, Еуропалық Одақ (ЕО) Ресейге қарсы 2022 жылдан бергі ең қатаң санкциялар пакетін дайындап жатқанын мәлімдеді,деп хабарлайды Todayinfo. Оның айтуынша, бұл бастама Франциян
Фото: https://www.dw.com/
Францияның сыртқы істер министрі Жан-Ноэль Барро
LCI телеарнасына берген сұхбатында, Еуропалық Одақ (ЕО) Ресейге қарсы 2022 жылдан бергі ең қатаң санкциялар пакетін дайындап жатқанын мәлімдеді,деп хабарлайды
Todayinfo.
Оның айтуынша, бұл бастама Францияның ұсыныстары мен АҚШ Сенатымен бірлескен үйлестіру негізінде жүзеге аспақ.
Жаңа санкциялар пакеті келесі бағыттарды қамтитын болады:
- Ресейдің мұнайдан түсетін табысын шектеу
- Ресейлік қаржылық институттарға қарсы шаралар
- Үшінші елдердегі санкцияларды айналып өтуге көмектесіп жатқан делдалдарға тосқауыл қою
Financial Times дерегіне сүйенсек, Еуроодақ санкцияларының аясында Лихтенштейнде бірқатар трасттық қорлардың жұмысы тоқтап қалған.
Мұндай әрекеттер бұл қорлардың ресейлік капиталмен немесе ресейлік бенефициарлармен байланысы бар деген күдікпен жасалып отыр.
«Бұл – соңғы үш жылдағы ең батыл және жан-жақты санкциялар пакеті. Біз Ресейдің санкцияларды айналып өту жүйесін бұзуға ниеттіміз», – деді Жан-Ноэль Барро.
Еуроодақ пен АҚШ 2022 жылдан бастап Ресейге қарсы бірнеше кезеңдік санкциялар енгізді. Олар:
- Энергетика секторына шектеулер
- Қаржылық операцияларды тежеу
- Жеке тұлғалар мен кәсіпорындарға бағытталған санкциялық тізімдер
Жаңа шаралар осы шектеулерді одан әрі кеңейтіп, тетіктерін қатаңдатуға бағытталған.
