Футбол жұлдызы Неймар қазақстандық киберспортшымен кездесті

Molodoy лақап атымен танымал қазақстандық киберспортшы Даниил Голубенко Бразилия футбол құрамасының жұлдызды шабуылшысы Неймармен кездесті, деп хабарлайды Todayinfo.kz ақпарат агенттігі. Семейлік жігіт ақыры Неймармен кездесті. Әлемдік футбол жұлдызы бұған дейін қазақстандық жігітпен Instagram-да біраз уақыт жылы сөйлесіп, тіпті суретін салып, араласқан. Данил кейін өз парақшасына Неймармен бірге түскен суретін жариялады. Еске салайық, қазақстандық Данил "molodoy" Голубенко HLTV Awards беделді марапатында Counter-Strike 2 бойынша 2025 жылдың "Үздік жаңа ойыншысы" атанды. Ол бразилиялық FURIA Esports командасында ойнайды және біртіндеп әлемдегі ең танымал киберспортшылардың біріне айналып келеді.