Германияда 60 жыл бұрын ешбір фантаст жазушы елге жаңадан келген түрік еңбек мигранттарының ұрпағы бір күні тұтас бір федералды жерді басқаратынын болжай алмас еді, деп хабарлайды Todayinfo ақпарат агенттігі.
Бүгін Баден-Вюртемберг ландтагы Джем Өздемирді премьер-министр етіп сайлады. Ол 157 дауыстың 93-іне ие болды.
Оның әкесі Токаттан, анасы Стамбулдан келген. Екеуі де қара жұмыспен айналысқан: анасы жеке ательесінде тігінші болса, әкесі бірнеше зауытта ауысыммен еңбек еткен. Өздемир мектепте «қиын оқушы» саналған, оған үй тапсырмасын орындауға көршілері көмектесетін.
Наурызда өткен аймақтық парламенттік сайлауда «Жасылдар» партиясы бірінші орынды иеленді. ХДО (Христиан-демократиялық одағы) партиясымен коалиция құрылды.
Осылайша, Өздемир Mercedes, Porsche және Bosch сияқты ірі компаниялардың бас кеңселері орналасқан өлкеге басшы болды. Ата-анасының зауыт цехынан министр-президент лауазымына дейінгі жол бір-ақ буынды қамтыды.
Сонымен, Өздемир — бұл жолды бастап берген алғашқы тұлға, бірақ соңғысы емес екені анық. Германия билігінің келбеті баяу болса да, қайтпас бағытта өзгеріп келеді:
- 1990-жылдары келген еврейлер қазірдің өзінде заңгерлердің, дәрігерлер мен саясаткерлердің екінші буынын қалыптастырды.
- 2022 жылдан кейін тұрақтап қалған украиндар 2040-жылдарға қарай алғашқы депутаттарын шығаруы мүмкін.
- Сириялықтардың кезегі сәл кейінірек келеді: олардың бастапқы жағдайы қиынырақ болды.
Түріктер бұл сәтті 63 жыл күтті. Ал қалғандары бұл қашықтықты тезірек бағындырып, мүмкін, бұдан да жоғары белестерге жетер.
Германиядағы қазақ диаспорасының өкілдері де болашақта саяси сахнада өз орнын табады деген үміт бар. Мәселен, Шымкенттен шыққан Сымбат Серікова қазіргі таңда Бундестагта жұмыс істеп жүр.
