Мамыр мерекелерінде анықтама алу немесе ХҚКО-да құжат рәсімдеу мүмкін болмайды — бөлімшелер бүкіл елмен бірге демалысқа шығады, деп хабарлайды Todayinfo ақпарат агенттігі.
«Халыққа қызмет көрсету орталығы» мемлекеттік корпорациясы халыққа қызмет көрсету орталықтары мен арнайы ХҚКО-лардың жұмыс кестесін жариялады. 1, 7 және 9 мамырда кезекші бөлімшелер жұмыс істемейді.
Ал 2 және 11 мамырда кезекші ХҚКО-лар мен арнайы ХҚКО-дар адамдарды таңғы 9:00-ден 13:00-ге дейін қабылдайды. Дегенмен, бір ерекшелік бар: арнайы ХҚКО-дарда өтініштер тек 12:00-ге дейін қабылданады, ал дайын құжаттар 13:00-ге дейін беріледі.
Қалған күндері орталықтар әдеттегі кестеге оралады. Кезекші бөлімшелердің толық тізімін мына жерден табуға болады:
gov4c.kz сайтында;
мемлекеттік корпорацияның Instagram-парақшасында;
1414 нөмірі бойынша;
немесе сілтеме арқылы.
