Индонезиядан экстрадицияланған Ақбаян Мұқанғалиева психикалық орталыққа жеткізілді

Атырау облысы Жангелдин ауылында бүтін бір отбасыны өлтірді деген күдікке ілінген Сұлтан Сәрсемалиевтің бұрынғы жұбайы – Ақбаян Мұқанғалиева – Индонезиядан экстрадицияланғаннан кейін облыстық психикалық денсаулық орталығына орналастырылды. Бұл туралы Todayinfo.kz ақпараттық порталы хабарлайды. Бұған дейін олар Ақбаянның психикалық денсаулығына қатысты елеулі мәселелер болуы мүмкін екенін де айтқан. Ал күдіктінің анасы Гүлнар Азмұқанова келіні дәрігерлердің бақылауында болғанын мәлімдеді. Оның айтуынша, қазір шамамен бір жастағы бесінші баласын дүниеге әкелгеннен кейін әйелдің психологиялық жағдайы ауырлап, ем қабылдауға мәжбүр болған. Сондай-ақ оның сөзінше, бұған дейін медициналық себептерге байланысты олар Түркияға да барған. Ақбаян мен Сұлтан 2022 жылдан бері ресми некеде болмаған. Күдіктінің анасының сөзінше, олар әйелдің ата-анасының талабы бойынша ажырасқан.