Иран тарапы Израильдің оңтүстігіндегі Беэр-Шева қаласы маңында орналасқан Израиль қорғаныс армиясы(ЦАХАЛ) штабына соққы жасағанын хабарлады, деп жазады Todayinfo.kz ақпарат агенттігі.
Иран армиясының мәлімдеуінше, шабуыл барысында әртүрлі бағыттардан ұшырылған дрондар пайдаланылған. Бұл соққылар Израиль аумағындағы әскери нысандарға бағытталған операцияның бір бөлігі ретінде сипатталды.
Ирандық дереккөздер бұл әрекеттің мақсаты – әскери инфрақұрылымға қысым көрсету және барлау жүйелерін әлсірету екенін атап өтті. Сонымен қатар, шабуылдар жалғасуы мүмкін екені де айтылған.
Оқиға аясында Израиль тарапынан ресми жауап немесе шығындар туралы нақты ақпарат әзірге толық жарияланған жоқ. Аймақтағы жағдай шиеленіскен күйде қалып отыр.
Айта кетейік, соңғы күндері Иран мен Израиль арасындағы текетірес күшейіп, екі жақ та бір-бірінің әскери және стратегиялық нысандарына соққы жасап жатыр.
