«Келінді тастама!»: Мұхамеджан Тазабек жігіттерге міндеттерін еске салды

Қоғам қайраткері, тәлімгер Мұхамеджан Тазабек Instagram-да жаңа үйленген жігіттің келінді қолдаудағы міндеттері туралы жазба жариялап, елді шулатты. Todayinfo  порталының хабарлауынша, ол жігіттердің жауапкершілігін еске түсірді,

 «Келіннің міндетін бәрі біледі, ал жігіттің міндеті қайда? Бірінші — келінге еркін бөлме беру, ата-анамен тұрса да, бөлек болса да. Екінші — рухани қолдау: дін үйрету, сағыныштан сарғаймасын деу. Үшінші — өзі не ішіп, не киді, келінге де соны беру. Төртінші — ата-анасынан алған жылулықты жаңа отбасында сездірту», — деді Тазабек.

Ол Бауыржан Момышұлының «Ең батыр — қыз» дегенін еске алып, «Көп жігіт келінді әкеліп тастайды да, кешке қонады. Сызат осыдан басталады», — деп жігіттерді сынға алды. Келінді қолдауды қарбыз суаруға теңеп: «Суды кетпенмен жетелейсің, махаббат пен руханиятты да солай келіннің жүрегіне жеткізу керек», — деп түйіндеді. Бұл жазба әлеуметтік желіде қызу талқыға түсіп, жастарды ойландырды.