Шығыс Қазақстан облысындағы Бұқтырма су қоймасының маңында орман өрті шықты, деп хабарлайды Todayinfo ақпарат агенттігі.
Төтенше жағдайлар министрлігінің баспасөз қызметінің мәліметінше, өрт Ұлан ауданындағы Аюда шатқалында, Приморск орман шаруашылығы аумағында болған.
Оқиға орнында шөп, бұталар мен ағаштар жанған. Өртті сөндіру жұмыстарын таулы жер мен қатты жел қиындатқан.
«Қабылданған шаралардың арқасында өрттің таралуын тоқтату мүмкін болды. Қазіргі уақытта ашық өрт ошақтары жоқ. Жағдай бақылауда», — делінген жексенбі күнгі хабарламада.
Өртті сөндіруге орман шаруашылығының күштері мен Төтенше жағдайлар департаментінің бөлімшелері, сондай-ақ ТЖМ авиациясы жұмылдырылды.
Атап айтқанда, «Қазавиақұтқару» борты жалпы көлемі 21 тонна суды жеті рет тастаған.
