Малидің қорғаныс министрі генерал Садио Камара ел бойынша әскери нысандарға үйлестірілген шабуылдар кезінде қаза тапты. Бұл туралы дереккөздер Al Jazeera-ға хабарлады.
Оның гарнизондық Кати қаласындағы резиденциясына сенбі күні әл-Қаидамен байланысты топ пен туарег көтерілісшілері шабуыл жасады. Камара 2020 және 2021 жылдардағы төңкерістерден кейін билікке келген әскери үкіметтің орталық тұлғасы болды.
Al Jazeera тілшісі Николас Хактың айтуынша, Камара әскери басшылықтағы ең ықпалды адамдардың бірі болған. Оның өлімі Мали қарулы күштеріне ауыр соққы болды. Шабуылдаушылар Катидегі оның үйіне жарылғыш көлікпен кірген.
Уақытша президент Ассими Гоита қауіпсіз жерде екені хабарланды. Шабуылдар Бамоко, Гао, Кидаль және Севаре қалаларында болды. Жергілікті тұрғындардың айтуынша, Кидальде әлі де қатты атыс естілуде.
Сарапшы Булама Букарти алдағы күндері аумақ үшін күрес күшейетінін айтты. Бұрын бір-бірімен соғысқан топтар қазір Мали мемлекетіне қарсы біріккен. Африка Одағы, Ислам Ынтымақтастық Ұйымы және АҚШ шабуылдарды айыптады.
