Павлодардағы қоқыс полигонындағы өрт екінші күн қатарынан сөндіріліп жатыр, деп хабарлайды Todayinfo ақпарат агенттігі.
14 мамыр күні сағат 21:18-де 101 операторының пультіне қатты тұрмыстық қалдықтар полигонында өрт шыққаны туралы хабарлама келіп түскен. Сағат 01:07-де өрт оқшауланып, оны жою шамамен 3 гектар аумақта жалғасуда. Оған 55 адам және 35 бірлік техника жұмылдырылған, — деп хабарлады Павлодар облысының Төтенше жағдайлар департаменті (ТЖД) жұма күні.
Полигонға қызмет көрсетумен айналысатын ЖШС ҚР Әкімшілік құқық бұзушылық туралы кодексінің 336-бабы бойынша қалдықтарды сақтау кезінде өрт қауіпсіздігі ережелерін сақтамағаны үшін әкімшілік жауапкершілікке тартылды. 200 АЕК мөлшерінде айыппұл салынды.
