Рыжий Алмаз дәуірінің куәсі болған Сабыржан Махметов қайтыс болды

Қазақ кикбоксингінің негізін қалаушылардың бірі, Қазақстанның еңбек сіңірген жаттықтырушысы Сабыржан Махметов 67 жасында дүниеден озды, деп хабарлайды Todayinfo ақпарат агенттігі. Қаралы хабарды алғаш болып белгілі жазушы Бейбіт Сапарлы өзінің әлеуметтік желідегі парақшасында жариялады. Сабыржан Махметов Кеңес әскерінің әуе-десант құрамында қызмет етіп, үш дүркін чемпион атанған. Ол 1991 жылы Оралдағы казактардың әрекетіне батыл тойтарыс беруімен және қазақ тілінің мәртебесін көтеріп, Қазақстанды бірұлтты мемлекет деп тануды жақтаған ұстанымымен ел есінде қалған тұлға.

"Қай жерде қазақ ұлтының мәселесі ушықса, сол жерден алдыңғы қатардан табылатын батыр еді. Сол батыр Сабыржан қасиетті Рамазан айының қарсаңында 67 жасында Раббысына қайтты. Құдай тағала біліп-білмей істеген барлық күнәларын кешіріп, мәңгілік мекенін жәннат етсін", - деп жазды жазушы.

Фото: Әлеуметтік желіден