Қазақстандық бітімгерлер Сирияға аттанды: 139 адамнан тұратын топ БҰҰ миссиясына қатысады

Қазақстандық бітімгерлер БҰҰ миссиясы аясында Сириядағы Голан қырқасына аттанды. Құрамда 139 адам бар, олардың ішінде әйелдер де бар,деп хабарлайды Todayinfo ақпараттық агенттігі. Қазақстандық бітімгерлік күштер Сирия аумағына аттанды. Олар Біріккен Ұлттар Ұйымының бейбітшілік сақтау миссиясы аясында Голан қырқасында қызмет атқарады. 139 адамнан тұратын құрам түгелдей дерлік ерікті түрде миссияға қатысуға ниет білдірген. Қатарда әскери қызметкерлермен қатар: әскери-инженерлік мамандар, мейірбикелер, қызмет көрсету бөлімінің мамандары бар. Құрамда екі әйел де бар екені атап өтілді. Қазақстандық бітімгерлер бұған дейін де Сирия аумағында бейбітшілікті сақтау мақсатында қызмет атқарған. Осы жолы аттанған құрама — бұрынғы құрамды ауыстыратын жаңа рота. Бұрын барған топ өз миссиясын аяқтауға жақын.