Көкшетауда құтқарушылар Қопа көлінің акваториясында істен шыққан паромнан 25 жолаушыны эвакуациялады, деп хабарлайды Todayinfo ақпарат агенттігі.
Төтенше жағдайлар министрлігінің (ТЖМ) хабарлауынша, оқиға 17 мамырда болған. Көкшетау қаласында Қопа көлінің акваториясын шолғындау кезінде құтқарушылар жағадан 700 метр қашықтықта жолаушылары бар ақаулы паромды тапқан.
«ТЖМ құтқарушылары ақаулы паромнан 25 адамды эвакуациялады», — делінген хабарламада.
Эвакуацияланғандардың арасында 10 бала болған. Құтқарылғандардың ешқайсысына медициналық көмек қажет болған жоқ.
