Талдықорған қалалық полиция басқармасының бұрынғы бастығы Марат Күштібаевтың ісіне байланысты жаңа деректер анықталды. Бұрынғы Антикордың ресми өкілі Данияр Бегайдаровтың мәлімдеуінше, зорлау фактісі бойынша сотталған экс-полицейдің жұбайы да қылмыстық іс бойынша тергелуде, деп хабарлайды Todayinfo.kz.
Тергеу: жалған айғақ пен пара беру фактісі
«Күштібаевтың жұбайына қатысты зорлау туралы қылмыстық іс бойынша жәбірленушіге жалған айғақ беру және пара беру фактісі бойынша сотқа дейінгі тергеу амалдары жүргізілуде. Қазіргі уақытта өзге ақпарат жариялауға жатпайды», – деді Бегайдаров.
Еске салсақ...
2024 жылғы сәуір айында Талдықорған қалалық соты Марат Күштібаевты 11 жылға бас бостандығынан айырған болатын. Ол 27 жастағы қызды зорлады деген айыппен сотталған.
