Түркістан облысының полиция департаменті 8 жасар балаға қатысты зорлық-зомбылық туралы арыз бойынша сотқа дейінгі тергеуді бастады, деп хабарлайды Todayinfo ақпарат агенттігі.
Арызбен сегіз жасар баланың анасы жүгінген. Ол болған оқиғаға өзінің туысын күдіктенген. Облыстық ПД мәліметінше, Отырар ауданының тұрғыны кәмелетке толмаған ұлына қатысты ықтимал құқыққа қайшы әрекеттер туралы арызданған.
«Алғашқы тергеу шараларының нәтижесінде мамандар дене жарақаттарын анықтаған жоқ», — делінген хабарламада. Қазіргі уақытта істің мән-жайы анықталып жатыр, қосымша сараптамалар тағайындалды.
