Қызылорда облысында Төтенше жағдайлар министрлігінің қызметкерлері каналға құлаған ботаны аман алып қалды. Оқиға Махамбет ауылының Байқадамова көшесінде болған.
112 пультіне жануардың Ширкейли каналына түсіп, суға батып бара жатқаны туралы хабарлама келіп түскен. Құтқарушылар оқиға орнына жедел жетіп, арқан және арнайы жабдықтардың көмегімен ботаны судан абайлап шығарып, жағаға көтерген.
Операция сәтті өтті — жануар ешқандай жарақат алмаған.
