Көліктің артқы және жанындағы терезелері сынған
Әлеуметтік желілерде тараған видеодан көрінгендей, әйел адам такси жүргізушісімен дауласқаннан кейін ашуға беріліп, көліктің артқы және бүйір терезелерін таспен ұрған. Жанжалдың себебі нақты жария етілмесе де, алғашқы мәліметтерге қарағанда, тұрғын такси қызметіне риза болмаған.
Қылмыстық іс қозғалды
Полиция оқиға бойынша ҚР Қылмыстық кодексінің 202-бабы – «Бөтеннің мүлкін қасақана жою немесе бүлдіру» бабы бойынша іс қозғады.
«Күдікті уақытша ұстау изоляторына қамалды. Тергеу амалдары жүргізіліп жатыр. Сараптамалар тағайындалды. Нәтижесіне қарай заңнамаға сәйкес процессуалдық шешім қабылданады», – деп хабарлады Шымкент қалалық Полиция департаментінің баспасөз қызметі.
