Терезеден шықпақ болған: Павлодарда екі студент 4-қабаттан құлап кетті

Павлодарда 2 колледж студенті түнде 4-қабаттан құлап кетті, деп хабарлайды Todayinfo. Облыстық полиция департаментінің мәліметінше, оқыс оқиға түнгі сағат 01:15-те болған. 18 жасқа толмаған қыздар 4-қабаттың терезесінен құлаған. - Павлодардағы колледждердің бірінде оқитын 2 студе

Павлодарда 2 колледж студенті түнде 4-қабаттан құлап кетті, деп хабарлайды Todayinfo. Облыстық полиция департаментінің мәліметінше, оқыс оқиға түнгі сағат 01:15-те болған. 18 жасқа толмаған қыздар 4-қабаттың терезесінен құлаған.

- Павлодардағы колледждердің бірінде оқитын 2 студент 4-қабаттан төсек жаймасы арқылы төменге түсіп бара жатқанда құлап кетті. 16 және 17 жастағы қыздар облыстық балалар ауруханасына жеткізілді, – деп жазылған облыстық жедел жәрдем станциясы таратқан хабарламада.

Облыстық денсаулық сақтау басқармасының дерегінше, зардап шеккен студенттерді дәрігерлер тексерген. 17 жастағы қыздың миы шайқалған, бел омыртқасы созылған, бас сүйегінің жабық жарақаты мен оң жақ тізе буынының жарақатын алған. 16 жастағы қызға кеуде омыртқасының 1-дәрежелі сынуы деген диагноз қойылды. Олардың жағдайы орташа. Науқастарға барлық қажет медициналық көмек көрсетіліп жатыр.