Қасым-Жомарт Тоқаевқа Пәкістанның ең жоғары мемлекеттік наградасы – «Нишан-и-Пакистан» ордені табыс етілді, деп хабарлайды Todayinfo ақпарат агенттігі.
Исламабадта өткен салтанатты рәсімде Мемлекет басшысына жоғары награданы Пәкістан Президенті Асиф Али Зардари мен Премьер-министрі Шахбаз Шариф табыстады.
«Нишан-и-Пакистан» ордені – Пәкістанның ең жоғары азаматтық марапаты. Бұл награда елдің дамуына ерекше үлес қосқан Пәкістан азаматтарына, сондай-ақ шетелдік мемлекет басшыларына, саясаткерлер мен қоғам қайраткерлеріне беріледі.
Салтанатты жиынға Пәкістанның Үкімет мүшелері, Парламент депутаттары, Қарулы күштердің жоғары басшылық құрамы және дипломатиялық корпус өкілдері қатысты.
Фото: Әлеуметтік желіден
