Көлік вице-министрі Максат Қалиақпаров «Астана-1» вокзалының реконструкциясы мен іске қосылу мерзімі туралы түсінік берді, деп хабарлайды Todayinfo ақпарат агенттігі.
Оның айтуынша, жоба құны әкімдіктің қосымша талаптарына байланысты өсуі мүмкін. «Құнның өскені туралы ақпаратым жоқ. Жұмыстар жоспар бойынша жүріп жатыр. Бірақ бұл стратегиялық нысан болғандықтан, құрылыс пен жетілдіру жұмыстары қатар жүргізілуде. Мүмкін, әкімдік тарапынан өткізу қабілетін арттыру үшін қосымша талаптар пайда болған шығар. Қазіргі уақытта құнның күрт өсуі туралы айта алмаймын», — деді ол.
Қалиақпаров жаңартылған вокзалды жыл соңына дейін іске қосуды жоспарлап отырғандарын атап өтті. «Күзге дейін, қыс келмей тұрып іске қосуға тырысамыз. Есіктерді кеңірек жасаймыз, өйткені қазір бұл ыңғайсыз. Әрине, бұл өзгерістер жүзеге асады», — деді вице-министр.
Сонымен қатар, реконструкциядан кейін вокзалда жеке фудзона болады, бұл иістердің ғимаратқа таралуына жол бермейді. Бұған дейін Астана вокзалы кәріз жүйесіндегі ақауларға байланысты су астында қалған еді.
