Жалпақсай ауылында иттер баланы жаралады: иесі видео арқылы өз уәжін айтты

Алматы облысы, Қарасай ауданы, Жалпақсай ауылында болған қайғылы оқиға елді елең еткізді. 10 жастағы Максим есімді баланы үш ит талап, салдарынан ол ауыр жарақатпен ауруханаға жеткізілді. Баланың жағдайы ауыр болғандықтан, ол Қаскелең қаласындағы аурухананың жансақтау бөліміне жатқызылды,деп хабарлайды Todayinfo ақпараттық агенттігі. Иттердің иесі видеожазбаны жариялады Шабуыл жасаған иттердің иесі оқиға күнгі бейнебақылау жазбасын жариялады. Онда баланың оңалту орталығының аумағына қалай түсіп кеткені көрінеді. Иттер аулада бос жүрген, ал орталықта кинолог Алмаз өз иттерін арнайы вольерде ұстайтыны белгілі болды. Аталған күні америкалық були тұқымындағы жас иттер аулада жүрген. Балалар ойын барысында аумаққа түсіп кеткен Жануарларды қорғау қауымдастығының мәліметіне сәйкес, Максим мен оның досы есірткі мен алкогольге тәуелді жандар емделетін оңалту орталығының маңында ұзақ ойнаған. Ойын кезінде бірі орталық аумағына құлап кеткен, ал иттер өз аумағын қорғамақ болған. Ит иесінің айтуынша, жарақаттардың бір бөлігі темір қоршаудан да болуы мүмкін, алайда бұл фактіні растайтын сараптама әлі жүргізілген жоқ. Баланың жағдайы ауыр Шабуыл нәтижесінде Максимнің құлағы жұлынып, жамбас тұсы мен басынан ауыр жарақат алған. 1 шілдеде баланың жағдайы біршама тұрақталғаннан кейін, ол Қарасай аудандық орталық ауруханасынан Облыстық балалар клиникалық ауруханасына ауыстырылды.

 

Посмотреть эту публикацию в Instagram

 

Публикация от INUCOBO_RK (@inucobo_reserve)