Жетісуда АПВ-ға қарсы вакцинация жүріп жатыр

Адам папилломавирусы (АПВ) – тері мен шырышты қабаттардың эпителийіне әсер ететін өте кең таралған вирустар тобы.  Оның 14 түрі онкогенді. Папиллома вирусы адамнан адамға теріден-теріге және шырышты қабаттар жанасуында беріледі, яғни, тұрмыстық байланыс арқылы және жыныстық қатынас кезінде берілуі мүмкін. ДДҰ мәліметі бойынша, 95% - дан астам жағдайда жатыр мойны обырын адам папилломавирусы (АПВ) тудырады. «Қазақстанда жыл сайын 1900-ге жуық жаңа жағдайы тіркеліп, 600-ден астам әйел көз жұмады. ЖМО-нан зерттеуге алынған материалдардың 74,2%-ында 16,18 серотиптер анықталған. Жетісу облысында 600-ге жуық әйел ЖМО-мен есепте тұр. Жатыр мойны обырын тудыратын АПВ болғандықтан, АПВ-ға қарсы екпе алып, ЖМО алдын алуға болады»,- деп атап өтті Жетісу облысы СЭБД басшысы Асхат Чарапиев. АҚШ-та жасалған 4-валентті «Гардасил» вакцинасымен екпе жүргізеді. Вакцинация 2 кезеңде ата-аналардың келісімімен жүргізіледі, 2-ші доза 6 айдан кейін салынады. АПВ-ға қарсы вакцинаның құрамында белсенді вирустық антигендер немесе вирустың ДНҚ-сы жоқ.

• 6, 11, 16 және 18 типті АПВ капсидті ақуызымен бірдей құрылымға ие синтезделген ақуыз молекулалары;

Вакцина суспензия түрінде болады, ол толығымен пайдалануға дайын және қосымша еріткіштерді қажет етпейді. Ұлттық егу күнтізбесіне сәйкес АПВ қарсы екпе 11 жастағы қыздарға жасалады. Сонымен қатар, Бас мемлекеттік санитариялық дәрігердің 2024 жылғы 17 қыркүйектегі №11 қаулысына сәйкес екпені 13 жас 11 ай 29 күнді қоса алғанға дейінгі жастағы қыздарға толықтыра вакцинация жүргізіледі. Бұл жас ДДҰ ұсынымына сәйкес таңдалған, өйткені 11-14 жас аралығында алған вакцинация ересек жастағы вакцинациямен салыстырғанда неғұрлым тиімді, тұрақты иммунитет қалыптасады. Бүгінгі күні АПВ ға қарсы екпемен 2553 қыз қамтылды, оның 1198-ы 11 жасар, 1355-і 12-13 жастағылар.  Вакцинадан кейін ешбір қолайсыз есер тіркелмеген. Облыста медициналық ұйымдарда 200, мектептерде 230 егу пункті, 54 егу бригадасы ұйымдастырылды. Ата-аналарды, қыздарын ЖМО-нан қорғайтын вакцинаны алуға шақырамын!