Қазақстанның жоғары оқу орындары 2029 жылға дейін түлектердің артықшылығы байқалған бірқатар білім беру бағдарламаларына қабылдауды кезең-кезеңімен тоқтатады, деп хабарлайды Todayinfo ақпарат агенттігі.
Бұл туралы Ғылым және жоғары білім министрлігінің Жоғары және жоғары оқу орнынан кейінгі білім комитеті inbusiness.kz тілшісінің сауалына берген жауабында мәлімдеді.
Ведомствоның хабарлауынша, нарықта заңгерлік, қаржы, экономика, менеджмент, маркетинг, мемлекеттік және жергілікті басқару, аударма ісі, шет тілдері, ақпараттық жүйелер, есептеу техникасы және бағдарламалық қамтамасыз ету, сондай-ақ физика мамандықтары бойынша мамандардың шамадан тыс көптігі байқалады.
Билік бұл бағыттар бойынша гранттарды басқа, сұранысқа ие салаларға ауыстыруды көздеп отыр.
