2025 жылы Қазақстанда жалпыға ортақ декларациялау жүйесі қайта қаралып, 8 миллионға жуық азамат активтері мен міндеттемелері туралы есеп тапсырудан босатылды. Бұл жаңашылдық зейнеткерлер, үй шаруасындағы әйелдер, студенттер және басқа да жеке құрылымдар қызметкерлеріне қатысты.
Фото: Canva.com
Дегенмен, мемлекеттік қызметшілер, квазимемлекеттік сектор басшылары, олардың жұбайлары, шетелде активтері бар немесе жылдық сатып алу сомасы 20 мың АЕК-тен (74 млн теңгеден) асқан тұлғалар декларация тапсыруды жалғастырады. Сонымен қатар, кез келген азаматқа ерікті түрде декларация тапсыру мүмкіндігі сақталады.
Экономист пікірі: мемлекет бәрін біледі
Экономист Расул Рысмамбетов бұл шешімді қоғамның сұранысы деп бағалады. Оның айтуынша, қолма-қол ақша дәуірі азайып, транзакциялар цифрлық форматқа көшкендіктен, мемлекет азаматтар туралы барлық қажетті ақпаратқа ие. Декларациялаудың негізгі мақсаты – қаржы ағындарын ашық ету.
«Бұл артық жұмыс болатын, себебі қағаз немесе онлайн толтыруды қажет етті. Қазір мемлекетте барлық деректер бар, сондықтан бұл шараның қажеті шамалы болды,» – деді сарапшы.
