Қостанайда 19 жастағы жігіт қала көшелерінде жалаңаш жүгіріп, қоғамдық тәртіпті бұзды. Бұл оқиға тұрғындардың наразылығын туғызып, көпшіліктің назарын аударды, деп хабарлайды Тodayinfo ақпараттық порталы.
Жас жігіттің әрекетін полиция дереу тоқтатып, оны ұстады. Медициналық тексеріс барысында оның седативті заттар (тыныштандыратын дәрілер) қолданғаны анықталды.
Жігітке ұсақ бұзақылық фактісі бойынша әкімшілік іс қозғалып, ол уақытша ұстау бөлмесіне қамалды.
Қостанай полициясы азаматтарды заң мен тәртіпті қатаң сақтауға шақырады. Қоғамдық тәртіпті бұзатын кез келген әрекет жауапкершілікке әкелетінін ескертеді.
