Алагөзов алкогольді, алкогольсіз сусындарды көптеп шығаруға кірісті

Продюсер Баян Алагөзова Instagram-дағы парақшасында күйеуі Тұрсынғали Алагөзовтің жаңа зауыт құрылысын бастағаны туралы жаңалығын бөлісті, деп хабарлайды Todayinfo. Баян Алагөзованың айтуынша, кәсіпкер Тұрсынғали Алагөзов қазіргі таңда Алматы қаласында алкогольсіз сусын шығаратын жаңа зауыттың құрылысымен айналысып жатыр. Сонымен қатар, Шымкенттегі бұрынғы сыра зауыты толық жаңғыртудан өтуде. – «Менің күйеуім Шымкент сыра зауытын толығымен жаңғыртып жатыр. Ал тағы бір зауыттың құрылысы Алматыда жүргізілуде. Онда алкогольсіз сусындар шығарылады. Осының барлығы бір мезетте іске асып жатыр. Менің жолдасым – талантты кәсіпкер», – деп мақтанды Баян Алагөзова.