Алматыдағы апат: қалада топырақ жылжып, үйді зақымдады (видео)

Алматының Бостандық ауданында лай көшкіні жүрді, деп хабарлайды Todayinfo.kz ақпараттық порталы. Алматы ТЖД мәліметінше, "Ремизовка" бау-бақша серіктестігі аумағындағы оқиға туралы хабарлама 112 желісіне сағат 18:10-да түскен. Оқиға орнына ТЖД, "Қазселденқорғау" ММ және қалалық құтқару қызметінің күштері шұғыл жіберілді. Мамандар келген бойда мол жауын-шашын салдарынан топырақтың шектен тыс ылғалданып, көлемі шамамен 300 текше метр болатын топырақ массасының ішінара жылжуына (лай көшкіні) әкеп соққаны анықтады. Нәтижесінде бір ғимараттың шатыры зақымданды, зардап шеккендер жоқ. Салдарды жоюға жеке құрамнан 40-қа жуық адам мен 10 техника жұмылдырылды. Қазіргі уақытта комиссиялық тексеру жүргізіліп, учаскеде ТЖД мен Алматы полициясы қызметкерлерінің кезекшілігі ұйымдастырылды. https://www.youtube.com/watch?v=WMHK73C9hTk