«Атырауда әжейдің мәйітін мысықтары жеп қойды»: Полиция мәлідеме жасады

Фото: Pexels Әлеуметтік желіде Атырауда жалғызбасты егде жастағы әйелді пәтерінде өзінің мысықтары жеп қойған деген ақпарат тарады, деп хабарлайды Тodayinfo ақпараттық порталы. Бейнежазбада Атырауда қарт, жалғызбасты әйелдің өзінің пәтерінде қайтыс болып, оның денесін мысықтар жей бастағаны айтылған. Алайда, жергілікті құқық қорғау органдары оқиғаның фейк екендігін әрі басқа қалада болғандығын жеткізді. Құқық қорғау органдары ақпаратты жоққа шығарып, тұрғындарды тексерілмеген мәліметтерге сенбеуге шақырды. Әлеуметтік желі қолданушыларынан ақпаратты таратар алдында оны тексеруді сұрайды.