Атырау қаласындағы Binom мектебінің жанында жеті жасар қызды көлік қағып, оқушы оқиға орнында мерт болды, деп хабарлайды Todayinfo ақпарат агенттігі.
Қайғылы оқиға 6 сәуір күні таңертең Нұрсая шағын ауданындағы Әл-Фараби атындағы Binom мектебінің маңында болған.
Алдын ала мәлімет бойынша, бала алған ауыр жарақаттарынан жедел жәрдем бригадасы келгенше көз жұмған.
Қазіргі уақытта оқиға орнында полиция қызметкерлері жұмыс істеп жатыр. Оқиғаның толық мән-жайы анықталуда.
Фото: Әлеуметтік желіден
