«Бірі тұншықтырып, екіншісі ізін жасыруға көмектескен»: Полицейлер Яна Легкодимованың өлімін қалай анықтағанын көрсетті (ВИДЕО)

Атырау полициясы Яна Легкодимова ісін қалай зерттегенін мәлімдеді. Қыздың жоғалып кеткенін анасы полицияға 20 қазанда хабарлаған. Бастапқыда іс жоғалу дерегі бойынша тіркелген. Кейін бейнебақылау камерасынан қызды үй жанына тоқтаған көлік алып кеткені белгілі болған, деп хабарлайды Todayinfo.kz ақпарат агенттігі. Кадрда қыз көлікке отырады. Ал оның жанында екінші ер адам болған.  Тергеу дерегінше, күдіктілердің бірі қызды көліктің ішінде тұншықтырған. Ал екіншісі ізін жасыруға көмектескен. Ішкі істер министрлігінің мәліметінше, күдіктілер екі күннен кейін ұсталды. Күдіктілердің бірі жасырынуға тырысса, екіншісі көлікті жуып, дәлелдемелерді жойған.

"Біз алдымен Қайыржановты таптық. Оның айғақтарына сүйеніп, екінші күдікті Қатимовты анықтадық. Тәжірибемде күдіктілердің ұсталып, мәйіттің табылмауы алғаш рет болды", - деді Атырау облыстық қылмыстық полиция департаментінің бастығы Ерлан Құсайынов.

Полиция қылмыс орнын тауып, күдіктілердің хат алмасулары мен сұрауларын қарап, кісі өлтіру жоспарын талқылаған. Жақында екі күдікті өмір бойы бас бостандығынан айыру жазасына кесілді.