БҚО-да 800-ге жуық үй жаңадан салынады

Батыс Қазақстан облысында су тасқыны кезінде бүлінген 800-ге жуық үй жаңадан салынады, деп хабарлады Todayinfo ақпараттық агенттігі.  Өнеркәсіп және құрылыс министрлігі облыс әкімдігімен бірігіп жұмыс істеп жатыр. Ведомствоның мәліметінше, БҚО Қаратөбе ауданы Қоржын ауылында 90 жаңа үй салынып жатыр. Құрылыс тамызда аяқталады деп жоспарланып отыр. Сондай-ақ 13 үйді жөндеу аяқталған. Құрылыс барысын кез келген адам gov.kz порталы арқылы онлайн бақылауға болады.  ӨҚМ Ахуалдық орталығының мәліметінше, Батыс Қазақстан облысында 4 286 нысанға техникалық зерттеу жүргізілді. Нәтижесінде төмендегі іс-шаралар жоспарланып отыр:

• • 775 тұрғын үй салу;
  • 1 988 тұрғын үй сатып алу, оның ішінде 745 сатып алынды;
  • 1 527 үйде жөндеу жұмыстарын жүргізу, оның ішінде 922 үй жөнделді.

Еске салсақ, Батыс Қазақстан облысында жаңадан үйлерді салуға және қираған баспаналарды жөндеуге 1,8 мыңға жуық жұмысшы және 300-ден аса арнайы техника жұмылдырылды.