Бюджет табысын арттыру мақсатында салықтық әкімшілік күшейтіледі

Фото: Ақорда Бүгін, 28 қаңтарда, Астанада мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысында салықтық әкімшілікті күшейту маңызын баса айтты, деп хабарлайды Тodayinfo ақпараттық порталы. ҚР Премьер-Министрінің орынбасары, Ұлттық экономика министрі Серік Жұманғарин салықтық әкімшілікті күшейту арқылы бюджет табысын  5-7 триллион теңгеге арттыруды жоспарлап отыр.

«Соңғы жылдары біз салық қызметкерлерінің мүмкіндіктерін айтарлықтай қысқарттық. Реформаның маңызды бөлігі салықтық әкімшілікті күшейту болып табылады. Одан басқа реформа жұмыс істемейді.  Салық комитетіне кейбір бақылау функцияларын біртіндеп, мұқият қайта енгізу ұсынылып отыр. Нәтижесінде біз бюджет табысын шамамен 5-7 триллион теңгеге арттыруды жоспарлап отырмыз.   Бұл бізге даму бюджетінің көлемін қазіргі 8%-дан 20%-ға дейін арттыруға мүмкіндік береді. Қажет болған жағдайда біз мақсатты әлеуметтік көмекті, жалақыларды, зейнетақыларды, жәрдемақыларды инфляция деңгейіне қарай индексациялайтын боламыз», деді ҚР Премьер-Министрінің орынбасары, Ұлттық экономика министрі Серік Жұманғарин.