Жайбарақат отыруға болмайды: Тоқаев Үкіметке нақты тапсырмалар берді

Үкіметтің кеңейтілген отырысында президент Қасым-Жомарт Тоқаев Ұлттық қорға тәуелділік жайлы айтты, деп Тodayinfo ақпараттық порталы.

«Баяндама қабылданды. Былтыр біраз қиындық болғаны рас. Экономиканың дамуына көптеген жағымсыз факторлар ықпал етті. Дегенмен біз ахуалды ушықтырмай, бақылауда ұстай алдық. Нәтиже жаман емес деуге болады. Өткен жылды оң көрсеткіштермен аяқтадық. Алайда жайбарақат отыруға болмайды. Шешім табуы қажет түйткілдер әлі де көп. Мұны сарапшылар да, азаматтар да жақсы біледі. Ең алдымен еліміздің экономикасын әртараптандыру міндеті толық орындалған жоқ. Экономикамыз Ұлттық қордың қаржысына аса тәуелді болып тұр. Бірақ осы жерде атап өтуіміз керек. Ұлттық қор бұл мемлекеттік экономиканың ажырамас бөлігі. Бизнестің инвестициялық белсенділігі әлі де болса төмен деңгейде. Бұл олқылықтарды биылдан қалдырмай дереу жою қажет. Үкімет нақты шараларды қабылдауы тиіс», - деді Қасым-Жомарт Тоқаев.