Ішкі істер министрлігі ата-аналарға қалың қардың түсуіне байланысты балалардың қауіпсіздігіне ерекше мән беруге шақырды. Ведомствоның мәлімдеуінше, қысқы ойындар, әсіресе шанамен сырғанау, жол-көлік оқиғаларына әкелуі мүмкін. Балалар қардың үстінде ойнап жүріп, айналасындағы қауі
Ішкі істер министрлігі ата-аналарға қалың қардың түсуіне байланысты балалардың қауіпсіздігіне ерекше мән беруге шақырды. Ведомствоның мәлімдеуінше, қысқы ойындар, әсіресе шанамен сырғанау, жол-көлік оқиғаларына әкелуі мүмкін. Балалар қардың үстінде ойнап жүріп, айналасындағы қауіп-қатерді байқамай қалуы ықтимал. Осыған байланысты ІІМ әкімшілік полиция комитетінің аға инспекторы Ақтоты Боранова балалардың қауіпсіздігін қамтамасыз ету үшін ата-аналарға бірнеше маңызды ережені ескеруді ұсынды.
Балаларға түсіндірілуі тиіс қауіпсіздік ережелері
- Тек тротуар мен жаяу жүргіншілер жолымен жүру – балалардың қауіпсіз жолдармен жүруін қадағалау керек.
- Жол бойында ойнамау – сырғанақ, шана немесе басқа ойындарды жолға жақын жерде өткізбеу қажет.
- Жолды кесіп өткенде абай болу – әрқашан екі жаққа қарап, жолдың бос екеніне көз жеткізу.
- Ашық түсті киім кию – қыста қараңғы ерте түсетіндіктен, балалардың көрінуін арттыру үшін ашық түсті, көзге түсер киімдер кию маңызды.
Ақтоты Боранова ата-аналарды қырағылық танытып, балалардың қауіпсіздігін қамтамасыз етуге үндеді. "Сіздің жанашырлығыңыз көптеген жазатайым оқиғалардың алдын алады!" – деп атап өтті ол.
