Наурыз мейрамында қазақстандықтар Ташкентке пойызбен бара алады

Фото: © istockphoto.com Jibek Joly пойызының туристері Наурыз мейрамын Қазақстан мен Өзбекстанда атап өту мүмкіндігіне ие болады. Үшінші трансшекаралық тур 2025 жылдың 20-25 наурызы аралығына жоспарланған. Бұл жолы теміржол саяхатының бағдарына Тараз қаласы қосылды,деп хабарлайды Тodayinfo ақпараттық порталы. «Алматы – Түркістан – Ташкент – Самарқанд – Тараз – Алматы» бағытындағы халықаралық турдың ұзақтығы 5 күнді құрайды. Саяхатшылар ежелгі қалалардың ерекше атмосферасына еніп, Ұлы Жібек жолының ізімен саяхаттайды және екі елдің көрікті жерлерін аралайды. Туристердің жайлылығы үшін гид қызметі, тамақтану, көрікті жерлерге кіру билеттері кіреді. Сонымен бірге туристер шығыстың қонақжайлылық атмосферасымен таныса алады. Тур бағдарламасы этноауылдағы мерекелік шараларды қамтиды: концерттік бағдарлама, ұлттық салт-дәстүрлер және дәстүрлі тағамдардан дәм тату. Туристердің ыңғайлылығы үшін кәсіби гидтердің сүйемелдеуі, заманауи вагондарда жайлы тұру жағдайлары, тамақтану және экскурсиялар қарастырылған. Туристік пакеттерді туристік агенттіктерден сатып алуға болады.