Өзін қорғаймын деп адам өліміне себепші болған жігіт әділдік тапты (ВИДЕО)

Павлодар облыстық соты 21 жастағы Жоламан Құсаинға қатысты үкімді қайта қарап, оны қажетті қорғаныс шегінен асып кеткені үшін ауыр дене жарақатын келтіру бабы бойынша бір жылға бас бостандығынан айыру жазасына кесті, деп хабарлайды Тodayinfo ақпараттық порталы. Сот залында ол жазасын өтегеніне байланысты босатылды. Бұған дейін Құсаин қасақана ауыр дене жарақатын келтіргені үшін 4,5 жылға сотталған еді. Оқиға жазда Павлодарда болған: бір жігіт екіншісіне шабуыл жасап, төбелестен кейін жерге құлап, қайтыс болды. Шабуылдаушыда пышақ болғаны анықталды. Апелляция кезеңінде айыпталушының мүддесін адвокат Ерлан Газымжанов қорғады.