Қайын атаның қозуы: Ақтөбе облысында туған келінін зорлаған еркек 8 жылға сотталды

Ақтөбе облысы Алға ауданына қарасты Бесқопа ауылында зорлау дерегі бойынша сот үкімі шықты, деп хабарлайды Todayinfo.kz ақпарат порталы. Іс материалдарына сәйкес, 53 жастағы еркек  үйде жалғыз болған 22 жастағы келінін пайдаланып, оған қатысты қылмыс жасаған. Жәбірленуші полицияға арызданған. Айыпталушы кінәсін мойындамағанымен, сот оның қылмысқа қатысы бар деген қорытындыға келді. Алға аудандық соты арсыз қайын атаны  8 жылға бас бостандығынан айыру жазасына кесті. Үкім заңды күшіне әлі енген жоқ.