Қазақстанда тұз бағасы күрт өсті

Елімізде бір апта ішінде, 24 қыркүйектен бастап 1 қазан аралығында тұз бағасы орта есеппен 2,4%-ға өсті. Бұл туралы Todayinfo ақпарат агенттігі Data hub Telegram-арнасына сілтеме жасап хабарлайды. Тұз бағасының күрт өсуі бұған дейін 2022 жылдың наурыз айында болған еді. Зерттеуге сәйкес, ас тұзының құны Алматы қаласында 13,8%-ға айтарлықтай артқан. Алайда Алматы облысының орталығыны Қонаевта тұз бағасы керісінше, 1,2%-ға түскен. Ресми статистикаға сенсек, бұл мегапоистегі тауарлар бағасы Қонаевқа қарағанда орта есеппен 10 теңге және 12%-ға жоғары дегенді білдіреді. Ұлттық статистика бюросы фискалдық түсімдерге негізделген инфляция бойынша жаңа эксперименттік деректерді ұсынды. 2023 жылдың басынан 2024 жылдың маусымына еліміздің Астана, Алматы және Қарағанды ​​облысында 20 тауарға қатысты есептеулер жүргізілді. Мысалы, жыл басымен салыстырғанда маусым айының соңына қарай тұз бағасы ресми түрде 10,8%-ға төмендеді. Ал "эксперименттік” тұрғыда керісінше, 3,6%-ға өскен. Алматы мен Қарағанды облыстарында айтарлықтай өсім байқалмайды. Алматыда ас тұзы дәстүрлі есептеулер бойынша 1,5%-ға, тәжірибелік есептеулер бойынша 4%-ға қымбаттады. Қарағанды ​​облысында классикалық бағалау бойынша тұздың бағасы 0,1%-ға түссе, чектер бойынша 1,1%-ға өскен.

“Дәл қазір Астанада ас тұзы жыл басымен салыстырғанда бұрынғысынша 9,4 пайызға арзандаған. Қарағандыда баға 1,3 %-ға, Алматыда 23%-ға өскені белгілі болды. Эксперименттік деректер болмағандықтан, бағаны дүкеннен алған түбіртектермен салыстыруға болады”, – деп жазды Telegram-арнасы.

Бұған дейін Қазақстанда жуғыш заттар мен сабындар бағасы шарықтағаны туралы жазған едік.