Қазақстанда 70 мыңға жуық отбасы бұрын сатып алу құқығынсыз берілген жалдамалы пәтерін жекешелендіру мүмкіндігіне ие болды, деп хабарлайды Todayinfo ақпарат агенттігі.
2025 жылдан бастап тұрғын үйге мұқтаждарды есепке алу және жалдамалы пәтерлерді бөлу міндеті толығымен «Отбасы банкіне» жүктеледі. Қазіргі таңда еліміз бойынша баспана кезегінде 951 мың адам тұр, оның 600 мыңы – әлеуметтік жағынан осал топқа жатады.
Осы уақытқа дейін бағдарлама аясында 8 мыңға жуық жалдамалы пәтер беріліп, 11 мыңнан астам жеңілдетілген ипотека рәсімделген. Жалпы 15 мыңнан астам азамат жалдамалы баспанасын жеке меншігіне аударған.
Олардың ішінде 9 мың адам пәтерді өз меншігіне өтеусіз, яғни тегін алған.
Жекешелендіру процесі толығымен ерікті түрде жүргізіледі.
