Қостанай облысында жарысқа бара жатқан балалары бар екі автобус қар құрсауында қалды

Фото: Қар құрсауында қалған автобус. Видео кадрдан: t.me/qr_tjm Бүгін Қостанай облысы Амантоғай ауылынан 20 шақырым жерде облыстық маңызы бар «Әулиекөл-Жолдама» тас жолында жарысқа бара жатқан балалары бар екі автобус қар құрсауында қалды, деп хабарлайды Тodayinfo ақпараттық порталы ТЖМ ресми Telegram-арнасына сілтеме жасап. ТЖМ қызметкерлері автобустан жақын маңдағы Амантоғай ауылындағы жылыту пунктіне 13 адамды, оның ішінде 11 баланы эвакуациялады. «ТЖМ күштері 14 адам бар екі автобус пен жеті жеңіл көлікті жолдың тазартылған учаскесіне сүйреп шығару жұмыстары жалғасуда. Медициналық көмекке ешкім мұқтаж болған жоқ», - делінген хабарламада.